Ilang araw na lang at magpapasko na kaya naman kailangang makapaghanda at makabili na ng mga regalo sa pasko at makapagtabi na ng aguinaldo sa inaanak. Kung gipit sa budget ay maaaring sumubok ng mga healthy at murang gifts para makapagbigay ng unique at espesyal na regalo ngayong kapaskuhan. Anu-ano ba ang mga healthy gifts na maaaring ibigay para sa pamilya, kaibigan, katrabaho, at mga inaanak?
Para sa physical fitness:
Gym membership
Ang pagbibigay ng gym membership ay pwedeng maging simula ng regular na pag eehersisyo ng tatanggap nito. Maganda itong gamiting inspirasyon para sa pagbabago at pagiging mas healthy at fit sa darating na taon.
Workout bag
Magandang iregalo ang workout bag kung mayroong kakilalang gym lover. Marami pa itong purpose dahil maaari itong gamitin hindi lamang sa gym ngunit pati na rin sa trabaho o pag travel.
Boxing gloves
Ang pagboboxing, tulad ng muay thai, ay isang magandang exercise upang maging fit at mabawasan ang mga calories sa katawan. Karamihan ng gyms ay mayroong boxing gloves fee kung kaya naman magandang regalo ito upang makatipid at maging healthy.
Yoga kit
Isa ang yoga sa mahusay na klase ng exercise at meditation. Kasama sa kit na ito ang yoga mat at strap, resistance band, foamy exercise ball at workout guide. Kung wala namang budget para sa buong kit, maaaring yoga mat na lang muna ang bilhin dahil isa ito sa basic things na kailangan sa pagyo-yoga.
Para sa exchange gift:
Uso ang pagbibigayan ng exchange gift bago ang kapaskuhan at ginagawa ito ilang araw bago sumapit ang pasko. Ilan sa mga magaganda at healthy gifts para sa exchange gift ay ang mga sumusunod:
Travel mug
Ang travel mug ay magandang ibigay para sa mga taong mahilig sa caffeine. Madaming health benefits ang makukuha sa pag-inom ng moderate tea at coffee tulad ng pag-relax sa paghinga at ang pagkakaroon antioxidants na panlaban sa cancer.
Lotion
Nakakatulong ang lotion sa pag moisturize at pagkakaroon ng healthy skin. Madali lamang itong hanapin at bilhin sa dami ng skin products na matatagpuan sa mga stores.
Para sa mga food lovers:
Fruitcake
Sikat sa bansa ang paggawa at pagreregalo ng fruitcake. Marami itong naibibigay na sustansya dahil puno ito ng iba’t ibang klase ng prutas gaya ng raisin, mango, at cherry. Pwedeng gawing mas healthy ito kung babawasan ng kaunting asukal at ilan pang preservatives.
Healthy fruits and vegetables basket
Ang pagbili ng iba’t ibang klase ng prutas at gulay ay kilala rin sa bansa bilang paghahanda sa darating na bagong taon. Ang healthy fruits and vegetables basket ay pwedeng lagyan ng apple, orange, avocado, saging, at grapes bilang regalo sa mga kaibigan at kaanak.
Recipe book
Sa mga kaibigan o kaanak na mahilig magluto, tiyak na ma-aappreciate nila ang recipe book na matatanggap sa pasko. May iba’t-ibang klase ng recipe book gaya ng mga luto para sa vegetarian, sa mahilig sa dessert, o di kaya’y mahilig sa Japanese food. Kaya magandang alamin muna ang hilig na pagkain ng re-regaluhan mong recipe book.
Para sa mga bata o inaanak:
Bicycle
Magandang regalo sa mga bata ang bisikleta kahit sa murang edad pa lamang. May iba’t ibang klase ng bisikleta depende sa kung anong edad ang reregaluhan gaya ng bike na may training wheels at mga bike na may malalaking gulong.
Sports Equipment
Maraming mga kabataan ang nahihilig sa iba’t ibang klase ng sports gaya ng basketball, volleyball, at badminton. Kapag nakitaan sila ng pagkahilig sa mga ito, magandang i-encourage sila sa pamamagitan ng pagreregalo ng mga equipment para sa nasabing sports na kinahihiligan nila. Ang paglalaro ng sports ay makatutulong din sa pag build ng self-confidence ng mga bata.
Ang pagbibigayan ng regalo ay patok sa buong bansa. Sa pagbibigay naman ng healthy gifts, maaring mag silbi itong inspirasyon sa kalusugan at well-being ng reregaluhan lalo na sa pagpasok ng bagong taon.
Source:
- http://www.interaksyon.com/lifestyle/fruitcake-queen-ju-d-lao-encourages-you-to-eat-your-veggies-and-be-healthy-this-christmas
- http://www.health.com/health/gallery/0,,20539484,00.html
- http://www.health.com/health/gallery/0,,20324042,00.html
- http://smartkids101.com/blog/fun-gift-ideas-that-encourage-your-child-to-be-healthy/
- http://www.sparkpe.org/blog/keep-kids-active-with-these-healthy-gift-ideas/
- http://www.medicaldaily.com/health-benefits-coffee-vs-tea-which-one-better-you-309556
- http://www.sparkpe.org/blog/keep-kids-active-with-these-healthy-gift-ideas/
